இலங்கையை 87 ரன்கள் வித்தியாசத்தில் வென்றது இங்கிலாந்து

ஐசிசி மகளிர் டி20 உலகக் கோப்பை கிரிக்கெட் போட்டியில் தொடக்க ஆட்டத்தில் இலங்கையை 87 ரன்கள் வித்தியாசத்தில் வீழ்த்தி இங்கிலாந்து அபார வெற்றி பெற்றது.

- 

இங்கிலாந்தில் ஐசிசி மகளிர் டி20 உலகக் கோப்பை போட்டிகள் தொடங்கி நடைபெறுகின்றன. பர்மிங்ஹாமின் எட்ஜ்பாஸ்டனில் வெள்ளிக்கிழமை நடைபெற்ற ஆட்டத்தில் இலங்கை-இங்கிலாந்து அணிகள் மோதின. டாஸ் வென்ற இலங்கை பௌலிங்கை தேர்வு செய்தது.

இதையடுத்து இங்கிலாந்து தரப்பில் எமி ஜோன்ஸ்-டேனி வயாட் ஹாட்ஜ் தொடக்க பேட்டர்களாக களமிறங்கினர். இருவரும் தொடக்கம் முதலே இலங்கை பந்துவீச்சை நாலாபுறமும் எல்லைக்கோட்டுக்கு விரட்டினர்.

1 சிக்ஸர், 4 பவுண்டரியுடன் 38 பந்துகளில் 53 ரன்களை விளாசிய எமி ஜோன்ஸ் மாலிகி மடாரா பந்தில் சமரி அட்டப்பட்டுவிடம் கேட்ச்தந்து அவுட்டானார். முதல் விக்கெட்டுக்கு வயாட்-எமி இருவரும் 135 ரன்களை சேர்த்தனர்.