அமெரிக்காவுக்கு அஞ்சல் சேவைகளை நிறுத்தியது இந்தியா

அஞ்சல் சேவை மூலம் அனுப்பப்படும் 800 டாலர் வரை மதிப்புள்ள பொருள்களுக்கு அளிக்கப்பட்டிருந்த வரிவிலக்கை அமெரிக்க அரசு வாபஸ் பெற்றதைத் தொடர்ந்து, அந்நாட்டுக்கான அஞ்சல் சேவையை இந்தியா தற்காலிகமாக நிறுத்தியுள்ளது.

- 

புது தில்லி, ஆக. 23:

800 டாலர் வரை மதிப்புள்ள சர்வதேச அஞ்சல் பொருள்களுக்கான வரி விலக்கு ஆகஸ்ட் 29 முதல் திரும்பப் பெறப்படும் என்று அமெரிக்க அரசு அறிவித்திருந்தது. இதைத் தொடர்ந்து, அமெரிக்க விமான நிறுவனங்கள் ஆகஸ்ட் 25-க்குப் பிறகு அஞ்சல் மூலம் சரக்குகளை ஏற்க இயலாது என தெரிவித்தன.