மேட்டூர் அணைக்கு நீர்வரத்து 1 லட்சம் கனஅடியாக அதிகரிப்பு

3ஆம் கட்ட வெள்ள அபாய எச்சரிக்கை

- 

மேட்டூர், ஜூலை 27: மேட்டூர் அணைக்கு நீர்வரத்து ஞாயிற்றுக்கிழமை விநாடிக்கு 1 லட்சம் கனஅடியாக அதிகரித்துள்ளது.

இதையடுத்து காவிரி பாயும் 11 மாவட்டங்களுக்கு 3-ஆம் கட்ட வெள்ள அபாய எச்சரிக்கை விடுக்கப்பட்டுள்ளது.

கர்நாடக மாநிலத்தில் காவிரியின் நீர்ப்பிடிப்புப் பகுதிகளிலும், கேரள மாநிலம் வயநாட்டிலும் பெய்துவரும் மழையின் காரணமாக கபினி அணை, கிருஷ்ணராஜ சாகர் அணைகளுக்கு நீர்வரத்து அதிகரித்ததால் உபரிநீர் காவிரியில் திறக்கப்பட்டுள்ளது.

கர்நாடக அணைகளின் உபரிநீர்வரத்து காரணமாக காவிரியில் வெள்ளப்பெருக்கு ஏற்பட்டு, மேட்டூர் அணைக்கு நீர்வரத்து தொடர்ந்து அதிகரித்து வருகிறது.