வீரவநல்லூரில் மாணவர் தற்கொலை: பள்ளி வாகனங்களுக்கு தீ வைப்பு

திருநெல்வேலி மாவட்டம், வீரவநல்லூரில் ஆசிரியர் கண்டித்ததால் மாணவர் தற்கொலை செய்த சம்பவம் எதிரொலியாக வியாழக்கிழமை நள்ளிரவில் பள்ளி வாகனங்களுக்கு தீ வைக்கப்பட்டது.

- 

சேரன்மகாதேவி, ஜூலை 18: இது தொடர்பாக கல்லூரி மாணவரை போலீஸார் வெள்ளிக்கிழமை கைதுசெய்தனர்.

வீரவநல்லூர் அருகேயுள்ள மானாபரநல்லூர் வடக்குத் தெருவைச் சேர்ந்த விவசாயி சங்கரகுமார் மகன் சபரி கண்ணன்(15). இவர், வீரவநல்லூரில் உள்ள தனியார் பள்ளியில் 10 ஆம் வகுப்பு படித்து வந்தார்.

பள்ளியில் கடந்த 4ஆம் தேதி நடைபெற்ற விழாவில், சபரி கண்ணன், ஒழுங்கீனமாக நடந்து கொண்டதால் ஆசிரியர்கள் அவரைக் கண்டித்ததாகக் கூறப்படுகிறது. இதனிடையே, விடுமுறை முடிந்து 7ஆம் தேதி பள்ளிக்கு வந்த சபரி கண்ணன், பள்ளி வளாகத்தில் பூச்சி மருந்து குடித்து மயங்கிய நிலையில் இருந்தாராம். உடனடியாக அவரை மீட்டு சேரன்மகாதேவி அரசு மருத்துவமனைக்கு தொண்டு சென்றனர்.