இருசக்கர வாகனத்தில் மோதி கவிழ்ந்த லாரி: மகள் உயிரிழப்பு; தாய் படுகாயம்

நாமக்கல் அருகே இரும்புத் தகடுகளை ஏற்றிச்சென்ற லாரி கவிழ்ந்ததில், இருசக்கர வாகனத்தில் சென்ற இளம் பெண் வெள்ளிக்கிழமை உயிரிழந்தார். அவரது தாய் பலத்த காயமடைந்தார்.

- 

நாமக்கல், ஜூலை 18:

நாமக்கல் அருகே நல்லிபாளையம்பகுதியைச் சேர்ந்த லாரி ஓட்டுநர் பூபதி - சுதா (42) தம்பதியின் மகள் சினேகா (24). ஆடி முதல் வெள்ளிக்கிழமையையொட்டி, கீரம்பூரில் உள்ள எட்டுக்கை அம்மன் கோயிலுக்கு இருசக்கர வாகனத்தில் சுதாவும், சினேகாவும் சென்றுகொண்டிருந்தனர். இருசக்கர வாகனத்தை சினேகா ஓட்டினார். நாமக்கல் - கரூர் சாலையில் வள்ளிபுரம் பகுதியில் சென்ற போது, சாலையோரம் கண்டெய்னர்லாரி நிறுத்தப்பட்டிருந்ததால் வலதுபுறமாக திரும்பினார்.