மா விவசாயிகளின் பிரச்னைகளுக்கு விரைவில் தீர்வு

அமைச்சர் அர.சக்கரபாணி

- 

கிருஷ்ணகிரி, ஜூலை 1: மா விவசாயிகளின் பிரச்னைகளுக்கு விரைந்து தீர்வு காண்பதற்கான நடவடிக்கை மேற்கொள்ளப்பட்டுள்ளது என உணவு மற்றும் உணவுப் பொருள் வழங்கல் துறை அமைச்சர் அர.சக்கரபாணி தெரிவித்தார்.

கிருஷ்ணகிரியில் செவ்வாய்க்கிழமை செய்தியாளர்களிடம் அவர் மேலும் கூறியதாவது:

தமிழகத்தின் முக்கிய பழப் பயிரான மா 1.46 லட்சம் ஹெக்டேர் பரப்பளவில் சாகுபடி செய்யப்பட்டுள்ளது. இதன்மூலம் 9.49 லட்சம் மெட்ரிக் டன் மகசூல் கிடைக்கிறது. பெங்களூரா ரகத்தில் 80 சதவீதமும், அல்போன்சா ரகத்தில் 50 சதவீதமும் மாங்கூழ் தயாரிக்க பயன்படுத்தப்படுகிறது.

நிகழாண்டு வழக்கத்துக்கு மாறாக மா மகசூல் அதிகரித்ததால் விலை வீழ்ச்சியடைந்தது. இந்த நிலையில், மா விவசாயிகளின் துயரைத் துடைக்கும் வகையில் தமிழக முதல்வர் பிரதமருக்கு எழுதிய கடித்தை மத்திய வேளாண்மைத் துறை அமைச்சரிடம் நேரில் வழங்கி, மா விவசாயிகளின் பிரச்னைக்கு விரைவில் தீர்வுகாண வலியுறுத்தப்பட்டது.