வேளாண் பட்டப் படிப்பு சேர்க்கை: விண்ணப்பப் பதிவு தொடக்கம்

வேளாண்மை இளநிலை பட்டப் படிப்புகளுக்கான மாணவர் சேர்க்கை விண்ணப்பப் பதிவு தொடங்கியுள்ளது.

- 

சென்னை, மே 9: இதைத் தலைமைச் செயலகத்தில் வேளாண்மைத் துறை அமைச்சர் எம்.ஆர்.கே. பன்னீர்செல்வம் வெள்ளிக்கிழமை தொடங்கி வைத்தார்.

முன்னதாக, செய்தியாளர்களுக்கு அவர் அளித்த பேட்டி: வேளாண்மைப் பல்கலைக்கழகம் மற்றும் அண்ணாமலைப் பல்கலைக்கழகத்தில் வழங்கப்படும் வேளாண்மை தொடர்பான இளநிலைப் படிப்புகளுக்கு மாணவர் சேர்க்கை நடைபெறவுள்ளது. பி.எஸ்சி. (ஆனர்ஸ்) விவசாயம், தோட்டக்கலை, வனவியல், பட்டு வளர்ப்பு, பி.டெக். வேளாண் பொறியியல், பி.டெக். உணவுத் தொழில்நுட்பம், பி.டெக். உயிரித் தொழில்நுட்பம், உயிரித் தகவலியல் உள்படப் பல்வேறு படிப்புகளில் மொத்தம் 6,921 இடங்கள் பொதுக் கலந்தாய்வு முறையில் நிரப்பப்படவுள்ளன.