ஜம்மு-காஷ்மீரில் பயங்கரவாத ஆதரவாளர்கள் 23 பேர் கைது

ஜம்மு-காஷ்மீரில் 23 பயங்கரவாத ஆதரவாளர்கள் மற்றும் சமூக விரோதிகளை காவல் துறை கைது செய்து சிறையில் அடைத்துள்ளது.

- 

ஸ்ரீநகர், மே 17:

இதுதொடர்பாக ஜம்மு-காஷ்மீர் காவல் துறை சனிக்கிழமை தெரிவித்ததாவது: 23 பயங்கரவாத ஆதரவாளர்கள் மற்றும் சமூக விரோதிகள் மீது பொதுப் பாதுகாப்புச் சட்டத்தின் கீழ், ஸ்ரீநகர் காவல் துறை வழக்குப் பதிவு செய்தது. இதைத்தொடர்ந்து அவர்கள் கைது செய்யப்பட்டு பூஞ்ச், உத்தம்பூர் உள்ளிட்ட மாவட்ட சிறைகளில் அடைக்கப்பட்டனர். அவர்கள் மீது ஏற்கெனவே பல்வேறு குற்ற வழக்குகள் உள்ளன. நீதிமன்றங்களில் இருந்து ஜாமீன் பெற்ற பிறகும், அவர்கள் திருந்தாமல் சட்டவிரோத வழிகளில் ஈடுபட்டு வந்தனர். நாட்டுக்கு தீங்கு விளைவிக்கக் கூடிய குற்ற நடவடிக்கைகள், பொது ஒழுங்குக்குக் குந்தகம் விளைவிக்கும் நடவடிக்கைகளில் அவர்கள் தொடர்ந்து ஈடுபட்டு வந்த நிலையில், தற்போது அவர்கள் சிறையில் அடைக்கப்பட்டுள்ளனர்.