தகிக்கும் கோடை: தற்காத்துக் கொள்வது எப்படி?

கடந்த சில வாரங்களாக கோடை வெயில் அதிதீவிர தாக்கத்தை ஏற்படுத்தி வருகிறது.

- -தொகுப்பு: ஆ.கோபிகிருஷ்ணா

அடுத்து வரும் நாள்களிலும் மாநிலம் முழுவதும் வெப்ப அலை நீடிக்கும் என வானிலை ஆய்வு மையம் எச்சரிக்கை விடுத்துள்ளது.

அதீத வெப்பத்தில் இருந்தும், அதனால் ஏற்படும் நோய்களில் இருந்தும் தற்காத்துக் கொள்வதற்கான முதல் வழி விழிப்புணர்வுடன் இருப்பதுதான்.

மனித உடலின் சராசரி வெப்பநிலை 98.4 டிகிரி ஃபாரன்ஹீட். புறச் சூழலில் உள்ள வெப்பநிலை அதைத் தாண்டி அதிகரிக்கும் போது அந்த வெப்பம் உடலில் கடத்தப்படுகிறது.

இதை 'ஹைபர்தெர்மியா' (உச்ச வெப்பநிலை) எனக் கூறுகிறோம். அந்தத் தருணத்தில், உடலானது தன்னைத் தானே குளிர்விக்க பல்வேறு வகையான முயற்சிகளை மேற்கொள்ளும். ஒரு கட்டத்துக்கு மேல் அது பலனளிக்காத நிலையில் மயக்கம், உணர்விழப்பு, வெப்ப வாதம் ஆகியவை ஏற்படுகின்றன.

நேரடியாக வெயிலில் செல்லாவிட்டாலும் சூரிய வெப்பம் வேறு சில வகைகளிலும் நமக்கு தாக்கத்தை ஏற்படுத்தக் கூடும்.