ஆண்ட்ரீவா முன்னேற்றம்; மான்ஃபில்ஸ் சாதனை

ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் ரஷியாவின் மிரா ஆண்ட்ரீவா, அமெரிக்காவின் எம்மா நவாரோ ஆகியோர் 3-ஆவது சுற்றுக்கு வியாழக்கிழமை முன்னேறினர்.

- 

மாட்ரிட், ஏப். 24: ஸ்பெயினில் நடைபெறும் மாட்ரிட் ஓபன் டென்னிஸ் போட்டியில் ரஷியாவின் மிரா ஆண்ட்ரீவா, அமெரிக்காவின் எம்மா நவாரோ ஆகியோர் 3-ஆவது சுற்றுக்கு வியாழக்கிழமை முன்னேறினர்.

மகளிர் ஒற்றையர் பிரிவு 2-ஆவது சுற்றில், போட்டித்தரவரிசையில் 7-ஆம் இடத்திலிருக்கும் மிரா ஆண்ட்ரீவா 6-3, 6-4 என செக் குடியரசின் மேரி புஸ்கோவாவை சாய்க்க, 11-ஆம் இடத்திலிருக்கும் எம்மா நவாரோ 7-5, 7-5 என்ற செட்களில் ஆஸ்திரேலியாவின் மாயா ஜாய்ன்ட்டை வீழ்த்தினார்.

அடுத்த சுற்றில் ஆண்ட்ரீவா - போலந்தின் மெக்தலினா ஃப்ரெச்சுடனும், நவாரோ - குரோஷியாவின் டோனா வெகிச்சுடனும் மோதுகின்றனர்.