வங்கி, நிதி நிறுவனங்களில் பெண்கள் கடன் வாங்குவது 22% அதிகரிப்பு

இடைநிலை நகரங்கள், கிராமங்களில் அதிகம்

- 

புது தில்லி, மார்ச் 3: கடந்த 5 ஆண்டுகளில் வங்கி, நிதி நிறுவனங்களில் பெண்கள் கடன் வாங்குவது 22 சதவீதம் அதிகரித்துள்ளது.

இதில் பெரும்பாலான கடன்கள் இடைநிலை நகரங்கள், கிராமப் பகுதிகளில் உள்ள பெண்களால் வாங்கப்பட்டுள்ளன என்று தெரியவந்துள்ளது.

இந்திய பொருளாதார வளர்ச்சியில் பெண்களின் பங்கு தொடர்பான அறிக்கையை நீதி ஆயோக் தலைமைச் செயல் அதிகாரி (சிஇஓ) பி.வி.ஆர். சுப்பிரமணியன் தில்லியில் திங்கள்கிழமை வெளியிட்டார். டிரான்ஸ் யூனியன் சிபில், நீதி ஆயோக்கின் பெண் தொழில்முனைவோருக்கான பிரிவு சார்பில் மேற்கொள்ளப்பட்ட இந்த ஆய்வில் கூறப்பட்டுள்ளதாவது:

பெண்கள் கடன் வாங்குவது கடந்த 5 ஆண்டுகளில் படிப்படியாக அதிகரித்து வந்துள்ளது.

2019 முதல் 2024-ஆம் ஆண்டு வரை பெண்கள் கடன் வாங்குவது 22 சதவீதம் உயர்ந்துள்ளது.