இரட்டைத் தங்கம் வென்றார் சிஃப்ட் கெளர் சம்ரா

கஜகஸ்தானில் நடைபெறும் ஆசிய துப்பாக்கி சுடுதல் போட்டியில், தனிநபர் மற்றும் அணி என இரு பிரிவுகளில் இந்தியாவின் சிஃப்ட் கெளர் சம்ரா தங்கப் பதக்கம் வென்றார்.

- 

ஷிம்கென்ட், ஆக.26: கஜகஸ்தானில் நடைபெறும் ஆசிய துப்பாக்கி சுடுதல் போட்டியில், தனிநபர் மற்றும் அணி என இரு பிரிவுகளில் இந்தியாவின் சிஃப்ட் கெளர் சம்ரா தங்கப் பதக்கம் வென்றார்.

50 மீட்டர் ரைஃபிள் 3 பொசிஷன்ஸ் பிரிவில் களமாடிய அவர், தனிநபர் இறுதிச்சுற்றில் 459 புள்ளிகளுடன் முதலிடம் பிடித்து தங்கத்தை தட்டிச் சென்றார். சீனாவின் யுஜி யாங் வெள்ளியும் (458), ஜப்பானின் மிசாகி நொபாடா வெண்கலமும் (448) வென்றனர்.

இறுதிச்சுற்று வரை வந்த மற்றொரு இந்தியரான ஆஷி சூக்சி 7-ஆம் இடம் பெற்றார்.

பின்னர் இதிலேயே அணிகள் பிரிவில், சிஃப்ட் கெளர், ஆஷி சூக்சி, அஞ்சும் முட்கில் அடங்கிய இந்திய அணி 1,753 புள்ளிகளுடன் முதலிடம் பிடித்து சாம்பியன் ஆனது. ஜப்பான் வெள்ளியும் (1,750), தென் கொரியா வெண்கலமும் (1,747) பெற்றது.