ஜம்மு-காஷ்மீரில் கடும் வெள்ளம்: 11 பேர் உயிரிழப்பு

ஜம்மு-காஷ்மீரில் பலத்த மழை, வெள்ளம், நிலச்சரிவால் கடுமையான பாதிப்பு ஏற்பட்டது. மழையால் ஏற்பட்ட விபரீத சம்பவங்கள் மற்றும் நிலச்சரிவால் 11 பேர் உயிரிழந்தனர், 14 பேர் காயமடைந்தனர்.

- 

ஸ்ரீநகர், ஆக.26:

கடந்த திங்கள்கிழமை முதல் ஜம்முவில் பெய்து வரும் பலத்த மழை காரணமாக கடும் வெள்ளம் ஏற்பட்டது. இதனால் அங்குள்ள ரியாஸி, ரஜௌரி, ரம்பன், கிஷ்த்வார், பூஞ்ச் மாவட்டங்களில் உள்கட்டமைப்புகள் சேதமடைந்தன.

மழையால் ஏற்பட்ட விபரீத சம்பவங்களால் டோடா மாவட்டத்தில் 4 பேர் உயிரிழந்தனர். அவர்களில் மூவர் ஆற்றில் தவறி விழுந்து மூழ்கி உயிரிழந்தனர். வீடு இடிந்து ஒருவர் உயிரிழந்தார். ஏராளமான வீடுகள், பாலங்கள் சேதமடைந்தன.