உங்களுடன் ஸ்டாலின் சிறப்பு முகாம்: ஆட்சியர் தொடங்கிவைத்தார்

கோவை வடவள்ளியில் 'உங்களுடன் ஸ்டாலின்' சிறப்பு முகாமை மாவட்ட ஆட்சியர் பவன்குமார் க.கிரியப்பனவர் செவ்வாய்க்கிழமை தொடங்கிவைத்தார்.

- 

கோவை, ஜூலை 15: கோவை வடவள்ளியில் 'உங்களுடன் ஸ்டாலின்' சிறப்பு முகாமை மாவட்ட ஆட்சியர் பவன்குமார் க.கிரியப்பனவர் செவ்வாய்க்கிழமை தொடங்கிவைத்தார்.

கடலூர் மாவட்டம், சிதம்பரத்தில் 'உங்களுடன் ஸ்டாலின்' சிறப்பு முகாமை முதல்வர் ஸ்டாலின் தொடங்கிவைத்ததைத் தொடர்ந்து, கோவை மாநகராட்சி, மேற்கு மண்டலம், 36 ஆவது வார்டுக்கு உள்பட்ட மருதமலை சாலை, வடவள்ளி ஸ்ரீ காமாட்சி அம்மன் திருமண மண்டபத்தில் நடைபெற்ற சிறப்பு முகாமை மாவட்ட ஆட்சியர் பவன்குமார் க.கிரியப்பனவர் செவ்வாய்க்கிழமை குத்துவிளக்கேற்றி தொடங்கிவைத்தார்.

இதில், 3 நபர்களுக்கு பிறப்புச் சான்றிதழ்கள், 10 நபர்களுக்கு தூய்மைப் பணியாளர் நல வாரிய அட்டைகள், ஒரு நபருக்கு தாட்கோ மூலம் மானியத்துடன் கூடிய வாகன கடன் உதவி, ஒரு நபருக்கு சொத்து வரி பெயர் மாற்றத்திற்கான ஆணை ஆகியவற்றை மாவட்ட ஆட்சியர் வழங்கினார்.