வட மாநிலங்களில் கொட்டித்தீர்க்கும் மழை

தென்மேற்குப் பருவமழை தீவிரமடைந்து, தில்லி உள்ளிட்ட வட மாநிலங்களில் பலத்த மழை கொட்டித்தீர்த்து வருகிறது. உத்தரகண்டில் ஏற்பட்ட நிலச்சரிவில் சிக்கி 2 கட்டுமானத் தொழிலாளர்கள் இறந்தனர்.

- 

சிம்லா /உத்தரகாசி, ஜூன் 29:

பொதுவாக ஜூன் 1-ஆம் தேதி தென்மேற்குப் பருவமழை, 16 ஆண்டுகளுக்குப் பிறகு கேரளத்தில் முன் கூட்டியே கடந்த மே 24-ஆம் தேதி தொடங்கியது. ஜூலை 8-ஆம் தேதிக்குள் நாடு முழுவதும் பரவலாகப் பெய்யும். பின்னர், செப்டம்பர் 17-ஆம் தேதி முதல் வடமேற்கு இந்தியாவில் இருந்து விடைபெறத் தொடங்கி, அக்டோபர் 15-க்குள் முழுமையாக நிறைவடையும்.

ஆனால், 2020-ஆம் ஆண்டுக்குப் பிறகு முதன்முறையாக நாடு முழுவதும் ஜூன் 26-ஆம் தேதிக்குள் பருவமழை பரவலாகப் பொழிந்துள்ளது. அந்த வகையில், தில்லி, ராஜஸ்தான், உத்தரப் பிரதேசம், ஹரியாணா, ஹிமாசல், உத்தரகண்ட், ஜார்க்கண்ட் உள்ளிட்ட வட மாநிலங்களில் கடந்த சில நாள்களாக பருவமழை தீவிரமடைந்து, பலத்த மழை பெய்து வருகிறது.