முகநூலில் போலி விளம்பரம் செய்து பல கோடி ரூபாய் மோசடி: 5 பேர் கைது

கட்டுமான நிறுவனங்களின் பெயரில், போலி யாக முகநூலில் விளம்பரம் செய்து நாடு முழுவதும் பல கோடி ரூபாய் மோசடியில் ஈடுபட்டதாக 5 பேரை புதுச்சேரி இணையவழி குற்றத் தடுப்புப் பிரிவு போலீஸார் கைது செய்தனர்.

- 

புதுச்சேரி, ஜூன் 28:

புதுச்சேரியைச் சேர்ந்த சேது ராமன் கடந்த ஆண்டு ஆகஸ்ட் மாதம், முகநூலில் ‘வைசாக் ஸ்டீல்’ என்ற நிறுவனம் சந்தை விலையை விட 10 சதவீதம் குறைவாக டி.எம்.டி. இரும்புக் கம்பிகளை விற்பனை செய்வதாக வெளியான விளம்பரத்தைப் பார்த்தார்.

இதை நம்பி அவர், ரூ.30.97 லட்சத்தை செலுத்தி இரும்புக் கம்பிகளை வாங்க ஆர்டர் செய்தார். குறித்த காலத்தில் கம்பிகள் வரவில்லை. இதுகுறித்த புகாரின் பேரில் புதுச்சேரி இணையவழி குற்றத் தடுப்புப் பிரிவு போலீஸில் புகார் அளித்தார்.