கேரளத்தில் கவிழ்ந்த சரக்குக் கப்பல்: நடுக்கடலில் பல கி.மீ. சுற்றளவுக்கு எண்ணெய்க் கசிவு

கேரள கடலோரத்தில் சுமார் 640 கன்டெய்னர்களை ஏற்றிச் சென்ற லைபீரிய நாட்டு சரக்குக் கப்பல் சனிக்கிழமை கவிழ்ந்து விபத்துக்குள்ளானதையடுத்து, நடுக்கடலில் பல கி.மீ. சுற்றளவுக்கு எண்ணெய்க் கசிவு ஏற்பட்டுள்ளதாக அதிகாரிகள் தெரிவித்தனர்.

- 

கொச்சி, மே 25:

கேரளத்தில் தென்மேற்குப் பருவமழை முன்கூட்டியே தொடங்கி கடந்த 2 நாள்களாக கனமழை பெய்து வருகிறது. மாநிலத்தின் கடலோரப் பகுதிகளில் வழக்கத்தைவிட கடல் கொந்தளிப்பாகக் காணப்படுகிறது.

இந்நிலையில், கேரள மாநிலம் கொச்சியில் இருந்து விழிஞ்ஞம் துறைமுகம் நோக்கி, லைபீரிய நாட்டு சரக்குக் கப்பல் 'எம்எஸ்சி எல்ஸா 3' புறப்பட்டுச் சென்றது.

கப்பல் எரிபொருள், சல்ஃபர் எரிபொருள் மற்றும் கன்டெய்னர்களுடன் பயணித்த அந்தக் கப்பல், கொச்சியிலிருந்து தென்மேற்கே 38 கடல் மைல் (சுமார் 70 கி.மீ.) தொலைவில் சனிக்கிழமை பிற்பகலில் கடலில் கவிழ்ந்து விபத்துக்குள்ளானது.

இதைத் தொடர்ந்து, அந்தக் கப்பலில் இருந்த சில கன்டெய்னர்கள் கடலில் விழுந்தன.