மாவட்ட பிரச்னைகளை கண்டறிய வேண்டியது ஆட்சியரின் கடமை: உயர்நீதிமன்றம்

மாவட்டத்தில் உள்ள பிரச்னைகளை கண்டறிய வேண்டியது அந்தந்த மாவட்ட ஆட்சியரின் கடமை என சென்னை உயர்நீதிமன்ற மதுரை அமர்வு வியாழக்கிழமை தெரிவித்தது.

- 

மதுரை, மே 15:

கரூர் மாவட்டம், மண்மங்கலத்தைச் சேர்ந்த ரமேஷ் சென்னை உயர்நீதிமன்ற மதுரை அமர்வில் தாக்கல் செய்த மனு: கரூர் மாவட்டம், நெரூர் வடக்குப் பகுதி ஸ்ரீஆரவாயி அம்மன் கோயில் திருவிழாவில் பட்டியலிட மக்கள் வசிக்கும் பகுதியில் தேரைக் கொண்டு செல்லவும், எந்தவித பாகுபாடுமின்றி திருவிழா நடத்தவும் உத்தரவிட வேண்டும் என அவர் கோரியிருந்தார்.

கரூர் மாவட்டத்தைச் சேர்ந்த சுப்பிரமணி தாக்கல் செய்த மனு: கரூர் மாவட்டம், பொருந்தலூர் ஸ்ரீபகவதி அம்மன் கோயில் திருவிழாவில் பட்டியலிட மக்கள் முளைப்பாரி, அக்னிச் சட்டி எடுத்துச் செல்ல அனுமதி வழங்குவதுடன், ஜாதிய பாகுபாடுகளைத் தடுக்க உத்தரவிட வேண்டும் என அவர் கோரியிருந்தார்.

இந்த இரண்டு மனுக்கள் உயர்நீதிமன்ற நீதிபதிகள் வேல்முருகன், கே.கே. ராமகிருஷ்ணன் அமர்வு முன் வியாழக்கிழமை விசாரணைக்கு வந்தன.