பெற்றோரை இழந்த 4 மகள்களுக்கு வசிக்க வீடு, படிக்க வைக்க ஏற்பாடு

பெற்றோரை இழந்த 4 மகள்களை அழைத்து வந்து அவர்களுக்கு உதவும்படி திமுக ஒன்றிய செயலாளர் வேண்டுகோள் விடுத்த போது புதுகை கலெக்டர் கண் கலங்கி நன்றி தெரிவித்ததோடு, அவர்கள் தங்க வீடு, மாதம் தோறும் உதவித்தொகை, படிக்க ஏற்பாடு செய்வதாக கூறினார்.

- 

பெற்றோரை இழந்த குழந்தைகளுக்கு குறை கேட்கும் கலெக்டர் அருணா. உடன், திமுக ஒன்றிய செயலாளர் சந்திரன்.

இந்த வீடியோ சமூக வலைத்தளங்களில் வைரலாகி வருகிறது.புதுக்கோட்டை மாவட்டம், இலுப்பூர் தாலுகா கிளிக்குடி ஊராட்சி வேப்பங்கனிபட்டி கிராமத்தை சேர்ந்தவர் ஆறுமுகம். இவரது மனைவி சின்னப்பொண்ணு. கூலித்தொழிலாளிகள். இவர்களது மகள், மருமகன் இறந்த நிலையில் இவர்களது மகள்கள் சுபஸ்ரீ, சூர்யா, சந்தியா, ஸ்வேதா ஆகியோர் பாட்டி சின்னப்பொண்ணு பராமரிப்பில் இருந்து வருகின்றனர். இதில் 17 வயதான சுபஸ்ரீ கூலி வேலைக்கு சென்று 3 சகோதரிகளையும் படிக்க வைத்து வருகிறார்.