6 முதல் 9-ம் வகுப்புகளில் கற்றல் குறைபாடுள்ள மாணவர்களின் மேம்பாட்டுக்கான ‘திறன்’ தேர்வுகள் தொடக்கம்

அரசுப் பள்ளிகளில் 6 முதல் 9-ம் வகுப்பு வரை கற்றல் குறைபாடுள்ள மாணவர்களின் மேம்பாட்டுக்கான 'திறன்' இயக்கத்தை அமல்படுத்த வேண்டும் என்று பள்ளிக் கல்வித்துறை உத்தரவிட்ட நிலையில் அவர்களுக்கான திறன் தேர்வுகள் நேற்று தொடங்கின.

- 

அரசுப் பள்ளிகளில் 6 முதல் 9-ம் வகுப்பு வரை பயிலும் மாணவர்களின் மொழி மற்றும் கணிதப் பாடத்தின் கற்றலை மேம்படுத்தும் வகையில் 'திறன்' எனும் இயக்கம் 6 மாதம் மேற்கொள்ளப்பட உள்ளது. இதில் 6 முதல் 8-ம் வகுப்பு வரை பயிலும் மாணவர்களுக்கான பயிற்சிக் கட்டகங்கள் மற்றும் ஆசிரியர் கையேடுகள் என்சிஇஆர்டி நிறுவனத்தால் தயாரிக்கப்பட்டுள்ளன. இவை அச்சடிக்கப்பட்டு பள்ளிகளுக்கு வழங்கப்பட்டு வருகிறது. மேலும், 9-ம் வகுப்புக்கான பயிற்சிக் கட்டகங்கள் மற்றும் கையேடுகள் தயாரித்து வழங்கப்படுகிறது.