மேட்டுப்பாளையத்தில் பதுங்கியிருந்த ‘மசாஜ் ராணி’ கணவருடன் கைது

உல்லாசமாக இருந்ததை வீடியோ எடுத்து பலரிடம் நகை, பணம் அபேஸ் 30க்கும் மேற்பட்ட ஓய்வு பெற்ற அரசு அதிகாரிகளிடமும் கைவரிசை

- 

மசாஜ் என்ற பெயரில் உல்லாசத்திற்கு அழைத்து அதை வீடியோ எடுத்து பலரிடம் நகை மற்றும் பணத்தை பறித்து வந்த மசாஜ் ராணி அவரது கணவருடன் தனிப்படை போலீசார் மேட்டுப்பாளையத்தில் கைது செய்தனர்.

இந்த மோசடியில் ஓய்வு பெற்ற அரசு அதிகாரிகள் அதிகளவில் சிக்கியுள்ளதாக தகவல் வெளியாகி உள்ளது.

சென்னை ஓட்டேரி வள்ளுவன் சாலையை சேர்ந்தவர் சார்லஸ் (50). தொழிலதிபரான இவர், பெரிய அளவில் இளநீர் வியாபாரம் செய்து வருகிறார். இவர் வாரத்திற்கு 2 முறை அண்ணாநகரில் உள்ள மசாஜ் சென்டருக்கு செல்வது வழக்கம். அப்போது மசாஜ் சென்டரில் பணியாற்றி வந்த ஆன்ட்ரியா (எ) நிக்கி (38) பழக்கமாகியுள்ளார். இந்த பழக்கத்தால் சார்லஸ், அடிக்கடி ஆன்ட்ரியா உதவியுடன் இளம் பெண்களிடம் மசாஜ் செய்து வந்ததாக கூறப்படுகிறது.

இந்நிலையில் கடந்த மாதம் 28ம் தேதி ஆன்ட்ரியாவிடம் தொடர்பு கொண்டு நல்லா மசாஜ் செய்யும் பெண் வேண்டும் என்று கேட்டுள்ளார். அதற்கு ஆன்ட்ரியா எனக்கு தெரிந்த பெண் ஒருவர் இருக்கிறார். அவரிடம் நீங்கள் நேரில் சென்று தான் மசாஜ் செய்ய வேண்டும் என்று தெரிவித்துள்ளார். அதன்படி மறுநாள் 29ம் தேதி ஆன்ட்ரியா சொன்ன சூளைமேடு இளங்கோவடிகள் தெருவில் உள்ள சர்வீஸ் அடுக்குமாடி குடியிருப்பு வீட்டிற்கு மாலை 3 மணிக்கு சென்றுள்ளார்.

அங்கு ரேகா சாவித்திரி என்பவர் தொழிலதிபர் சார்லஸுக்கு மசாஜ் செய்துள்ளார். பிறகு அவருடன் தனிமையில் இருந்ததாகவும் கூறப்படுகிறது. அப்போது திடீரென கட்டிலுக்கு அடியில் இருந்து 2 ஆண்கள் வெளியே வந்து சார்லஸை கடுமையாக தாக்கி, இங்கு நடந்த சம்பவத்தை உனது குடும்பத்திற்கு தெரிவித்துவிடுவோம் என்று மிரட்டி அவர் அணிந்து இருந்த நகைகளை பறிக்க முயன்றுள்ளனர். அதற்கு சார்லஸ் அனுமதிக்காததால் அவரை கடுமையாக தாக்கி 20 சவரன் நகைகள், விலை உயர்ந்த வாட்ச் மற்றும் ஜி-பே மூலம் ரூ.40 ஆயிரத்தை பறித்துக் கொண்டு தப்பி ஓடி விட்டனர்.