குமரி மருத்துவக்கல்லூரி விடுதியில் சாப்பாடு வினியோகத்தில் குளறுபடி?

குமரி அரசு மருத்துவக்கல்லூரி விடுதியில் மாணவ, மாணவிகளுக்கு வழங்கப்படும் உணவில் தரம் இல்லை என்று புகார் எழுந்துள்ளது.

- 

நாகர்கோவில், ஜூன் 14 :குமரி அரசு மருத்துவக்கல்லூரி, நாகர்கோவிலில் உள்ள ஆசாரிப்பள்ளம் பகுதியில் செயல்படுகிறது. மருத்துவக்கல்லூரி தொடங்கப்பட்டு 21ஆண்டுகள் கடந்துள்ளன. தொடக்கத்தில் வருடத்துக்கு 100 மாணவ, மாணவிகள் சேர்க்கப்பட்ட நிலையில்தற்போது 150 மாணவ, மாணவிகள் சேர்க்கப்பட்டு வருகிறார்கள். கல்லூரி வளாகத்தில் பல்வேறு வசதிகளுடன் மாணவ, மாணவிகளுக்கான தனித்தனி விடுதிகள் உள்ளன. ஏ, பி,சி,டி பிளாக் என 4 பிரிவுகளாகவிடுதிகள் செயல்படுகின்றன.

200 இடங்களில் கண்காணிப்பு கேமராக்கள் மருத்துவக்கல்லூரியில் 150 இடங்களில் கண்காணிப்பு கேமராக்கள் உள்ளன. மாணவர்கள், மாணவிகள் விடுதிகளை சுற்றி அதிக கண்காணிப்பு கேமராக்கள் அமைக்கப்பட்டு இருக்கின்றன. மேலும் கூடுதலாக 60 இடங்களில் கண்காணிப்பு கேமராக்கள் அமைக்க திட்டமிடப்பட்டுள்ளது. இருப்பினும் சுமார் 110 ஏக்கர் பரப்பளவில் உள்ள மருத்துவக்கல்லூரி வளாகத்தில் பாதுகாப்பு குறைபாடு உள்ளது. நோயாளிகள் மற்றும் நோயாளிகளின் உறவினர்களிடம் செல்போன்கள், பணம், நகைகள் திருடப்படுகிறது. பைக்குகளும் அவ்வப்போது திருடப்படுகின்றன. இந்த நிலையில் மாணவிகள் விடுதிக்குள் புகுந்த மர்ம நபர் இன்னும் கண்டுபிடிக்கப்படாமல் இருப்பதும் பரபரப்பை ஏற்படுத்தி உள்ளது.