கேரளாவில் மூழ்கிய சரக்குக் கப்பல் கன்டெய்னர்களில் இருந்து தனுஷ்கோடி கடலில் 5 கிமீ தூரம் கரை ஒதுங்கிய ரசாயனத் துகள்கள்

தனுஷ்கோடி தென் கடலில் மிதந்து கரை ஒதுங்கிய பிளாஸ்டிக் மூலப்பொருளால், கடல் வாழ் உயிரினங்களுக்கு ஆபத்து ஏற்படும் அச்சத்தில் மீனவர்கள் உள்ளனர்.

- 

கேரள மாநிலம் விழிஞ்ஞம் துறைமுகத்தில் இருந்து கடந்த 24ம் தேதி 643 கன்டெய்னர்களுடன் கொச்சி சென்ற எம்எஸ்சி எல்சா.3 என்ற சரக்கு கப்பல் கொச்சிக்கு அருகே கடலில் மூழ்கியது. இந்த கப்பலில் 10க்கும் மேற்பட்ட கன்டெய்னர்களில் கால்சியம் கார்பைடு மற்றும் ஆபத்தான ரசாயனப்பொருட்கள் மற்றும் பல மூலப்பொருட்கள் இருந்தன. இதனால் கண்டெய்னர்கள் கடற்கரையில் ஒதுங்கினால், பொதுமக்கள் யாரும் அதன் அருகே செல்ல வேண்டாம். என அறிவுறுத்தப்பட்டது. தொடர்ந்து பல்வேறு கடற்கரையோர பகுதிகளில் கன்டெய்னர்கள் மற்றும் அதில் இருந்த பொருட்கள் கரை ஒதுங்கி வருகின்றன.