கூட்டணிக்காக பாமகவை பாஜ மிரட்டுகிறதா?

தைலாபுரத்தில் நாளை கிளைமாக்ஸ்

- 

பாமக உட்கட்சி மோதலை முடிவுக்கு கொண்டுவர பாஜ கொடுத்து வரும் நெருக்கடிக்கு பணிந்து போவதா? அல்லது கட்சியை முழுமையாக தன் கட்டுப்பாட்டுக் குள் கொண்டுவர கடந்த சில நாட்களாக எடுத்து வந்த அதிரடி நடவடிக்கையை தொடர்வதா? என்பது குறித்து தைலாபுரம் தோட்டத்தில் ராமதாஸ் நாளை (10ம் தேதி) தனது நிலைப்பாட்டை அறிவிக்க உள்ளார்.

பாமக நிறுவனர் ராமதாஸ், அன்புமணி இடையே மாநில இளைஞரணி தலைவராக பரசுராமன் முகுந்தன் நியமன விவகாரத்தில் மோதல் வெடித்தது. புதுச்சேரி அருகே நடைபெற்ற புத்தாண்டு சிறப்பு பாமக பொதுக்குழு கூட்டத்தில் மேடையிலேயே தந்தை, மகன் வாக்குவாதத்தில் ஈடுபட்டதால் கட்சியினர் அதிர்ச்சியடைந்தனர். அதன் பிறகு அன்புமணியை தலைவர் பதவியில் இருந்து நீக்கிய ராமதாஸ், கடந்த 29ம்தேதி அன்புமணி மீது பல்வேறு அடுக்கடுக்கான குற்றச்சாட்டுகளை தெரிவித்தார். 35 வயதிலேயே அன்புமணியை ஒன்றிய அமைச்சராக்கி நான்தான் தவறு செய்துவிட்டேன் என ராமதாஸ் கண்ணீர் மல்க பகிரங்கமாக தெரிவித்தார்.