அரசு பள்ளி மாணவர்களின் அடிப்படை ஆங்கில மொழி திறன்களை மேம்படுத்த 'லெவல் அப்’ திட்டம்

நாகர்கோவில், ஜூன் 4 : தமிழ்நாடு அரசு பள்ளி மாணவர்களின் அடிப்படை ஆங்கில மொழி திறன்களை மேம்படுத்த 'லெவல் அப்' திட்டத்தின் கீழ் திறன் வளர் செயல்பாடுகள் மேற்கொள்ளப்பட உள்ளது.

- 

தமிழ்நாடு பள்ளி கல்வித்துறை அரசு பள்ளி மாணவர்களின் அடிப்படை ஆங்கில மொழி திறன்களை மேம்படுத்த 'லெவல் அப்' என்ற தன்னார்வ திட்டத்தை அறிமுகம் செய்து அது சார்ந்த செயல்பாடுகளை முன்னெடுத்து வருகிறது. இதன் ஒரு பகுதியாக அரசு பள்ளிகளில் 6 முதல் 8ம் வகுப்பு வரை மாணவர்கள் ஆங்கில மொழியில் வாசித்தல், பேசுதல் மற்றும் எழுதுதல் ஆகிய அடிப்படை திறன்களை மாணவர்கள் எளிதாக அடையும் வகையில் தொடர் செயல்பாடுகள் பள்ளி கல்வித்துறையால் மேற்கொள்ளப்பட உள்ளது.