சுதர்சன் ரெட்டியை நக்சல் என்பதா? அமித்ஷாவுக்கு மாஜி நீதிபதிகள் கண்டனம்

இந்தியா கூட்டணியின் துணை ஜனாதிபதி வேட்பாளர் சுதர்சன் ரெட்டியை நக்சல் ஆதரவாளர் என கூறிய ஒன்றிய உள்துறை அமைச்சர் அமித் ஷாவுக்கு உச்ச நீதிமன்ற முன்னாள் நீதிபதிகள் உட்பட 18 நீதிபதிகள் கண்டனம் தெரிவித்துள்ளனர்.

- 

துணை ஜனாதிபதி தேர்தல் அடுத்த மாதம் 9ம் தேதி நடக்க உள்ளது.

இதில் ஆளும் பாஜ தலைமையிலான தேசிய ஜனநாயக கூட்டணி சார்பில் மகாராஷ்டிரா ஆளுநர் சி.பி. ராதாகிருஷ்ணனும், எதிர்க்கட்சிகளின் இந்தியா கூட்டணி சார்பில் உச்ச நீதிமன்ற முன்னாள் நீதிபதி சுதர்சன் ரெட்டியும் வேட்பாளர்களாக போட்டியிடுகின்றனர்.

இதற்கிடையே, கடந்த 22ம் தேதி கேரளாவில் பேசிய ஒன்றிய உள்துறை அமைச்சர் அமித்ஷா, சுதர்சன் ரெட்டியை நக்சல் ஆதரவாளர் என குற்றம் சாட்டினார். அவரது சல்வா ஜூடும் தீர்ப்பு இல்லாவிட்டால், நக்சல் தீவிரவாதத்தை 2020ம் ஆண்டுக்குள் முடிவுக்கு கொண்டு வந்திருக்க முடியுமென அமித்ஷா பேசினார்.