OOM BIZA STAAN NOG OP SY DING

DIE PA-leier, Gayton McKenzie, moes gister ingryp en 'n beroep doen vir kalmte nadat 'n party-dikding se uitlatings skokgolwe op social media gestuur het.

- 

GAYTON MCKENZIE

Ashley "oom Biza" Sauls, McKenzie se tjommie en die PA se parlementêre leier, het vandeesweek op Facebook ge-post rakende McKenzie se leierskap as iemand met 'n kriminele verlede.

McKenzie het verskeie kere in die openbaar gesê dat hy in sy tienerjare al begin het om gewapende rooftogte uit te voer en is later vir die gewapende roof van 'n bank gestraf.

Sauls het op Facbook geskryf: "Ons gemeenskappe is war zones. Ons land makeer 'n total reset.

"Ons benodig 'n leier met 'n kriminele verlede om vir ons na 'n crime-free toekoms te lei. Ek ken net een man vandag in politics wat kwalifiseer."

Die post het soos 'n veldbrand versprei. Sommige verbruikers het Sauls se mening gesteun en verder 'n beroep gedoen dat McKenzie as die minister van Polisie aangestel word.

Maar ander het Sauls se uitlatings ten sterkste veroordeel. Larry Varrie van die Greater Aboriginal Community Council of Southern Africa en die First Nation Liberation Alliance het Sauls se uitlatings as "absolute twak" beskryf.