HY DOEN DIT VIR GEMEENSKAPPE

Jason Jacobs is allermins jou elke dag se storieverteller

- 

ASON Jacobs, 'n storieverteller van Namakwaland, skryf, want dis sy lifeline, sy stof, die bloed in sy are wat lewe gee aan stories wat eie aan sy mense, hulle ryk geskiedenis en erfenis is.

Dié talentvolle skepper verweef sy ryk Kamiesen Namakwalandse erfenis in kontemporêre narratiewe, om temas van identiteit, geskiedenis, komvandaan en gemeenskap te ondersoek, terwyl hy die grense van tradisionele storievertelling verskuif.

Sy debuut-langspeelfilm, Carissa, geskryf en vervaardig saam met Devon Delmar, het sy wêreldpremière by die Mostra Internazionale d'Arte Cinematografica dalla Biennale di Venezia gehad - 'n mylpaal vir Suid-Afrikaanse films. Van sy ander werke sluit in Kalahari Swaan (KKNK Nuwe Stem), Stof Rooi (beste produksie op Cape Town Fringe) en Kraal (beste nuutgeskepte teks in Afrikaans by Woordfees).

Jason se eerste teaterteks was Broadway, hier kom ek, wat sy destydse skool (Vredendal Sekondêr), in Springbok in 'n dramakompetisie gaan opvoer het. Dit was 'n eerste vir hom, want hy het daar en dan besef, skryf en skep is wie hy is.