Gwaith yn creu cymuned mwy cartrefol i bobl hŷn

AE trawsnewidiad gwerth £12.2 miliwn o safle cartrefi gofal ychwanegol yn Sir Ddinbych wedi agor yn swyddogol, gan gynnig annibyniaeth a chysur i breswylwyr hŷn mewn lleoliad cymunedol bywiog.

- 

Mae uwchraddiad cynllun Llys Awelon yn Rhuthun, sydd wedi'i berchnogi a'i reoli gan gymdeithas dai Grŵp Cynefin, wedi'i uwchraddio gan ehangu o 21 i 56 o fflatiau modern, sy'n cyfuno byw'n annibynnol gyda gofal a chymorth ar y safle.

Wedi'i ariannu'n rhannol gan £7.1 miliwn oddi wrth Lywodraeth Cymru a'i gefnogi gan Gyngor Sir Ddinbych, cafodd y prosiect adeiladu tair blynedd ei gwblhau gan Read Construction ac mae'n cynnwys bwyty, salon, gerddi wedi'u tirlunio ac ardaloedd cymunedol.

Dywedod y gwestai arbennig yn yr agoriad swyddogol, Comisiynydd Pobl Hŷn Cymru, Rhian Bowen-Davies, fod y datblygiad yn “teimlo fel cartref go iawn”.

“Nid brics a morter yn unig yw cartref,” meddai. “Mae'n rhywle lle rydyn ni’n teimlo’n ddiogel, yn cael cysur a chwmnïaeth - a dyna'n union mae Llys Awelon yn ei gynnig,” meddai.

Dywedodd cadeirydd Grŵp Cynefin, Tim Jones, fod yr agoriad yn “ddechrau pennod newydd” ar gyfer safle Rhuthun.

“Mae'r prosiect hwn yn ganlyniad partneriaeth gref ac arwyddocaol rhwng Grŵp Cynefin, Cyngor Sir Ddinbych a Llywodraeth Cymru.