Asiantaeth yn rhoi cyngor i bobl hŷn sut i addasu eu cartrefi

AE arbenigwr tai uchel ei barch yn arwain ymgyrch i recriwtio gwirfoddolwyr ler mwyn helpu i redeg asiantaeth sy'n helpu pobl hŷn i fyw'n annibynnol.

- 

Mae Clifton Robinson, cadeirydd Gofal a Thrwsio Conwy a Sir Ddinbych, wedi lansio ymgyrch i chwilio am bedwar aelod newydd o'r bwrdd rheoli i ymuno â'r elusen sy'n cwmpasu ardal helaeth o ogledd Cymru, gan ymestyn o Langollen yn y dwyrain i Lanfairfechan yn y gorllewin.

Mae'r sefydliad, sy'n is-gwmni i gymdeithas dai Grŵp Cynefin, yn cynorthwyo pobl hŷn, perchnogion tai a thenantiaid mewn tai sector preifat dros 60 oed i fyw'n annibynnol mewn cysur, diogelwch a chynhesrwydd trwy eu helpu gyda phob math o welliannau, addasiadau a chyngor.

Mae hefyd yn helpu deiliaid tai i gael mynediad at yr holl fudd-daliadau y mae ganddynt hawl iddynt, gan sicrhau'r y swm uchaf erioed o £1.5 miliwn i gleientiaid y llynedd.

Wrth ddod yn gadeirydd Gofal a Thrwsio Conwy a Sir Ddinbych mi wnaeth rhod cylch bywyd droi'n llawn i Clifton Robinson.

Oherwydd yn 1990 ef oedd un o sylfaenwyr Gofal a Thrwsio Colwyn a unodd yn ddiweddarach gyda'i chwaer sefydliad yn Sir Ddinbych 10 mlynedd yn ôl.

Ar y pryd roedd Mr Robinson yn rheolwr tai gyda chymdeithas dai ClwydAlyn, a symudodd yn ddiweddarach i Tai Gogledd Cymru fel cyfarwyddwr tai cyn dod yn brif weithredwr yr Housing Diversity Network, menter gymdeithasol sy'n gweithio ar draws Lloegr.