காவிரி ஆற்றில் மீண்டுகரை நீர்வரத்து அதிகரிப்பு நெரிஞ்சிப்பேட்டை -பூலாம்பட்டி இடையே படகு போக்குவரத்து நிறுத்தம்

காவிரி ஆற்றின் நீர்பிடிப்பு பகுதிகளான கர்நாடக மாநில பகுதியில் கடந்த வாரம் பலத்த மழை பெய்தது. இதனால் சேலம் மாவட்டம் மேட்டூர் அணைக்கு நீர்வரத்து அதிகரித்தது. இதைத் தொடர்ந்து அணையின் நீர்மட்டம் அதன் முழு கொள்ளளவான 120 அடியை எட்டியது. இதை அடுத்து அணையில் இருந்து உபரி நீர் காவிரி ஆற்றில் திறக்கப்பட்டது.

- 

வினாடிக்கு 50 ஆயிரம் கன அடிக்கு மேல் தண்ணீர் திறக்கப்பட்டதால் காவிரி ஆற்றில் வெள்ளப்பெருக்கு ஏற்பட்டது. இதனால் கடந்த 30 ஆம் தேதி ஈரோடு மாவட்டம் நெரிஞ்சிப்பேட்டைக்கும், சேலம் மாவட்டம் பூலாம்பட்டிக்கும் இடையேயான பயணிகள் விசைப்படகு போக்குவரத்து நிறுத்தப்பட்டது.