மாம்பழக் கொள்முதல் விவகாரம் தொடர்பாக பிரதமர் நரேந்திர மோடிக்கு முதல்வர் மு.க. ஸ்டாலின் கடிதம்

12 சதவீதத்தில் இருந்து 5 சதவீதமாக ஜி.எஸ்.டி. வரியை குறைக்க வேண்டும்

- 

தமிழ்நாட்டில் “மா” விவசாயிகளின் நலனைப்பாதுகாத்திட நிரந்தரத் தீர்வு காணும் வகையில் நடவடிக்கைகளை மேற்கொள்ளக்கோரி பிரதமர் நரேந்திர மோடிக்கு, தமிழ்நாடு முதலமைச்சர் மு.க. ஸ்டாலின் கடிதம் எழுதி இருக்கிறார்.

அக்கடிதத்தில், தமிழ்நாடு அரசு விவசாயிகளின் நலனுக்காக அக்கறையுடன் செயல்பட்டு வருகிறது என்றும், அதற்காக பல்வேறு நலத்திட்டங்களை அறிமுகப்படுத்தி செயல்படுத்தி வருகிறது என்பதை குறிப்பிட்டு, தமிழ்நாட்டில் சுமார் 1.46 இலட்சம் எக்டரில் ”மா” சாகுபடி செய்யப்பட்டு அதில் 9.49 இலட்சம் மெட்ரிக் டன் மாம்பழங்கள் உற்பத்தி அடையப்பட்டு பழப்பயிர் சாகுபடியில் தமிழ்நாடு "மா" உற்பத்தியில் பெரும்பங்கு வகிக்கிறது என்று குறிப்பிட்டுள்ளார்.