கார் டயர் வெடித்து பள்ளத்தில் உருண்டது: இன்ஸ்பெக்டரின் மனைவி-மகன் பலி

தேனி மாவட்டம் சின்னமனூர் அருகே டயர் வெடித்து சொகுசு கார் நிலைதடுமாறி பள்ளத்தில் கவிழ்ந்து விபத்துக்குள்ளானதில் மதுரை காவல்துறை சார்பு ஆய்வாளரின் மனைவி மற்றும் அவரது மகன் இருவரும் பலியான சம்பவம் அப்பகுதியில் பெரும் சோகத்தை ஏற்படுத்தியுள்ளது.

- 

மதுரையில் உள்ள ரிசர்வ் லைன் பகுதியில் ஆயுதப்படை பிரிவில் சார்பு ஆய்வாளராக பணியாற்றி வருபவர் வெள்ளைபாண்டி. இவரின் மனைவி ஜெயா, மகன் கௌதம் மற்றும் மகள் அபர்ணா ஆகிய மூவரும் சேலத்தில் உள்ள ஒரு மருத்துவமனைக்கு சென்றனர். பின்னர் தேனி மாவட்டம் உத்தமபாளையத்தில் உள்ள மனைவியின் தாயார் வீட்டிற்கு காரில் சென்று கொண்டிருந்தனர். காரை ஜெயாவின் உறவினரான அருண் என்பவர் ஓட்டி வந்துள்ளார். இவர்களுடன் கார் ஓட்டுநர் அருணின் தாயார் தனலட்சுமி என்பவரும் காரில் வந்துள்ளார்.