அணு ஆயுதப் போர் உருவாகிவிடக் கூடாது

ரஷ்யா - உக்ரேன் போர் நடந்துகொண்டிருந்தாலும், அதில் கூட இல்லாத ஒரு பதற்றம் இஸ்ரேல் - ஈரான் போரால் அனைவருக்கும் ஏற்பட்டுள்ளது. தற்போதைய ஜி 7 மாநாட்டில் கருப்பொருளில் கூட ஈரான் மீதான இஸ்ரேலின் தாக்குதல் குறித்து விவாதிக்கப்படும் என்று அறிவிக்கப்பட்டுள்ளது. காரணம், இந்தப்போர் அணு ஆயுதப் போராக உருவெடுத்துவிடக் கூடாது என்ற பயம்.

- 

யுத்தம் வந்தால் பேரழிவை ஏற்படுத்தக்கூடிய எத்தனையோ கனரக ஆயுதங்கள் உள்ளன. டிரோன், ஏவுகணை தாக்குதல்கள் இப்போதெல்லாம் சகஜமாகிவிட்டன. ஆனால், ஒரு தாக்குதலின் துயர விளைவு நூறாண்டுகளுக்கு மேல் தொடரலாம் என்றால், அது அணு ஆயுதப் போரால் ஏற்படும் பின்விளைவு.

ரஷ்ய உக்ரைன் போரைவிட மற்றொரு விதத்தில் இது அபாயகரமானது. அண்டை நாடுகளை மட்டுமின்றி அமெரிக்கா, பிரிட்டன், ஃபிரான்ஸ், ரஷ்யா போன்ற வல்லரசுகளையும் உள்ளே இழுத்து பெரிய அளவிலான போராக மாற்றுவதற்கான வாய்ப்பை கொண்டுள்ளது. ஈரான் யுரேனியத்தை செறிவூட்டி வருவதாக அமைப்பு ஒன்று வெளியிட்ட தகவலால் திடுக்கிட்ட இஸ்ரேல், அமெரிக்காவின் மறைமுக ஆசியுடன், 'ஆபரேஷன் ரைசிங் லையன்' என்ற பெயரில் வம்படியாக இஸ்ரேல் அந்நாட்டின் மீது ஆயுதங்களை ஏவியது. அமெரிக்காவும் அதே எண்ணத்துடன் ஈராக் தாக்குதலுக்கு மறைமுக துணை நிற்கிறது.