Electric vehicles sagupon sa siyudad

Padayon nga gipalig-on sa Dakbayan sa Sugbo ang kampanya para makabaton og malungtarong transportasyon pinaagi sa hinay-hinay nga paggamit og mga electric vehicles (EVs) alang sa mga sakyanan sa lokal nga kagamhanan ug sa mas lapad nga sektor sa transportasyon.

- Preciosa L. Bacalso/IBM

Apan giangkon ni Mayor Nestor Archival nga wala mahatod sa mga suppliers ang gipang-order nga mga EV units nga gilauman nga moabot karong buwana.

Gipugngan sab sa mayor ang pangalan sa supplier ug kung pila ka unit ang mga gipang-order apan gipasalig niini nga masayran lang kini kung moabot na sa dili pa matapos ang tuig 2026.

Bisan pa sa maong kalangan, nagpabilin nga lig-on ang suporta ni Archival sa paggamit sa electric vehicles.

Iyang gihinumdoman nga siya maoy usa sa unang mipalit og EV sa syudad sa panahon nga mahal pa kini ug kulang pa ang pagsalig sa publiko sa maong teknolohiya.