SOBRA NGA KOLEKSYON SA CARBON MARKET IPASUSI

Gimanduan ni Cebu City Mayor Nestor Archival ang Market Operations Division nga susihon ang tahu kabahin sa giingong sobra nga daily fees nga gikolekta sa mga asosasyon gikan sa mga vendors

- 

Kini taliwa sa nagpadayon nga pag review sa Carbon Market joint venture agreement (JVA) tali sa Megawide Construction Corporation.

Atol sa iyang uwahing press conference gipadayag ni Archival, nga samtang gitahud sa siyudad ang desisyon sa Regional Trial Court nga nag deny sa petisyon nga ihunong ang JVA, angayan usab nga tan-awon ang gitahu nga sobra nga pagkolekta sa mga bayranan diha sa Carbon Market.

Dugang pa ni Archival nga ang maong sobra nga pagpangolekta mas nakahatag pa og dakung disbintaha sa mga ordinaryong stallholders.

Base sa ruling magpadayon ang construction, apan ang validity sa JVA kinahanglan pa nga desisyonan atol sa main trial nga gitakda karong Hunyo 24, 2026.