FLORIST NAKUHAAG 3 KILONG SHABU

Usa ka ginang nga florists ang gidakop sa hiniusang pwersa sa mga otoridad ug militar atol sa gipahigayon nilang buybust operation nga niresulta sa pagkasakmit sa tulo ka kilong gituohang shabu diha sa Dakbayan sa Talisay kagahapon sa hapon.

- 

Nagtinabangay sa paghimo sa operasyon ang mga sakop sa PDEA-7 Regional Special Enforcement TeamMandaue City, PDEA Cebu Provincial Office, Special Operations Unit-7 PNP Drug Enforcement Unit ug Naval Forces Central diha sa R. Rabaya Street, Barangay Cansojong, Talisay City kagahapon sa hapon, Sabado, Hulyo 5, 2025.

Usa ka Merian Sancija Borkowski alyas Ann, 36 anyos, minyo, negosyante og mga buwak ug nagpuyo sa maong dapit ang ilang nadakpan.

Ang suspetsado nakuhaan og 3,000 grams nga shabu nga nagkantidad og P20.4 million.

Nasayran ang mga operatiba nakadawat og impormasyon labot sa illegal nga kalihukan sa suspetsado hinungdan gipaubos nila kini sa usa ka buwan nga surveillance.

Nahibaw-an nga maka dispose matud pa ang suspetsado og 3 ka kilong shabu kada semana diha sa Cebu City, Mandaue City, Lapu-Lapu City ug mga silingan nga mga probinsya.