சிறுகமணி வேளாண்மை அறிவியல் நிலையத்தில் 44-வது அறிவியல் ஆலோசனைக் குழு கூட்டம்

வேளாண்மை அறிவியல் நிலையத்தின் செயல்பாடுகள் மற்றும் திட்டங்கள் பற்றி மதிப்பீடு செய்து, வரும் காலத்திற்கான புதிய திட்டங்கள் மற்றும் ஆலோசனைகள் பரிந்துரை செய்வதற்கான அறிவியல் ஆலோசனை குழு கூட்டம் ஒவ்வொரு வருடமும் சிறுகமணி வேளாண்மை அறிவியல் நிலையத்தில் நடைபெற்று வருகிறது.

- 

திருச்சி, டிச.5

இந்நிலையத்தின் 44வது அறிவியல் ஆலோசனை குழு கூட்டம் 01.12.22 அன்று நடைபெற்றது. இக்கூட்டத்தை தமிழ்நாடு வேளாண்மைப் பல்கலைக் கழகத்தின் துணைவேந்தர் முனைவர் வெ.கீதாலட்சுமி இணைய தளம் வாயிலாக தலைமை ஏற்று துவக் கிவைத்தார். அவர் தமது உரையில் அனைத்து பாசன அமைப்பை பெற்றிருக்கும் திருச்சி மாவட்டத்தின் தனித்தன்மை குறித்தும் அதில் செயல்பட்டு வரும் வேளாண்மை அறிவியல் நிலையத்தின் மூலம் விவசாயிகளுக்கு தேவையான அனைத்து தொழில்நுட்பங்களும், காலநிலை குறித்த அறிவிப்புகளும் கிடைப்பது மகிழ்ச்சியை அளிக்கிறது என்றார்.