బొర్రా జ్ఞానేశ్వర్ ముదిరాజ్ స్వరం బీసీ సమాజానికి దిశానిర్దేశం

ముదిరాజ్ కార్పొరేషన్ ఛైర్మెన్ బొర్రా జ్ఞానేశ్వర్ ముదిరాజ్తో ఆదాబ్ హైదరాబాద్ ప్రత్యేక విశ్లేషణాత్మక సంభాషణ

- 

బీసీలకు ప్రాతినిధ్యం పెరిగితేనే గౌరవం రాబోయే ఎన్నికల గేమ్చేంజర్ ఈ బీసీ బిల్లు..

అసెంబ్లీలో ప్రభుత్వం ప్రవేశపెట్టిన బీసీ బిల్లు కేవలం స్థానిక సంస్థల ఎన్నికల వ్యూహం కాదు. ఇది బీసీల రాజకీయ భవిష్యత్తుని మార్చగల గేమ్ ఛేంజర్. జనాభాలో 52% ఉన్న బీసీలు, ఇప్పటివరకు రాష్ట్రంలో అధికారం పంచుకునే స్థితికి ఎదుగలేదు..కాంగ్రెస్ ప్రభుత్వం తీసుకుని రాబోతున్న ఈ బీసీ బిల్లు తెలంగాణ రాజకీయాలనే కాదు దేశ రాజ కీయాల దిశ.. దశను మార్చనున్నాయి.ఇప్పుడు గ్రామం నుంచి నగరం వరకు బీసీలు నాయకులుగా ఎదగబోతున్నారు. అసెంబ్లీలో సీఎం రేవంత్ రెడ్డి ప్రభుత్వం ప్రవేశపెట్టిన కొత్త బీసీ బిల్లు కేవలం ఒక చట్ట పరమైన చర్య కాదు .. ఇది ఒక సామాజిక విప్లవానికి నాంది. శతా బ్దాలుగా వెనుకబడిన బీసీ వర్గాలకు ఇది పదవి రూపంలో గౌరవం ఇవ్వబోతోంది..

ముదిరాజ్ కార్పొరేషన్ ఛైర్మెన్ బొర్రా జ్ఞానేశ్వర్ ముదిరాజ్

హైదరాబాద్, 01 సెప్టెంబర్ (ఆదాబ్ హైదరాబాద్): ముదిరాజ్ కార్పొరేషన్ ఛైర్మెన్ బొర్రా జ్ఞానేశ్వర్ ముదిరాజ్ బీసీల కోసం వారి హక్కుల కోసం అవకాశాల కోసం గళమెత్తిన నాయకుడు, కార్పొరేషన్ ఛైర్మన్ గా బాధ్యతలు చేపట్టిన నాటి నుంచి బీసీ ల సంక్షేమం కోసం ఆయన ఎంతో శ్రమించారు.. ఆయన స్వరమే బీసీ వర్గాల మనోభావాలను ప్రతిబింబిస్తోంది. "సంఖ్యలో మెజారిటీ అయిన బీసీలు అధికారంలో మైనారిటీ ఇకపై కాదని "ఆయన స్పష్టంగా చెబుతున్నారు. ఈ బిల్లుపై ఆయన అభిప్రాయాలు, భవిష్యత్ ప్రణాళికలు, రాజకీయ ప్రభావం మీద ఆదాబ్ హైదరాబాద్ ప్రత్యేక ఇంటర్వ్యూ.

ప్రశ్న: అసెంబ్లీలో ప్రవేశపెట్టిన బీసీ బిల్లును మీరు ఎలా చూస్తున్నారు?

జ్ఞానేశ్వర్ : ఇది మన ప్రభుత్వం తీసుకున్న చారిత్రాత్మకమైన నిర్ణయం. తెలంగాణ రాష్ట్రంలో బీసీలు ఎప్పటినుంచో రాజకీయంగా పక్కన పెట్టబడ్డారు. ఓటు బ్యాంక్ బీసీలకు ప్రాధాన్యం ఉన్నా, అధికారంలో ప్రాతినిధ్యం తక్కువగా కొనసాగుతూ వస్తోంది.. ఈ బిల్లుతో గ్రామపంచాయతీలు, మండల పరిషత్తులు, మున్సిపల్ కౌన్సిల్స్, కార్పొరేషన్లలో 50% కి పైగా స్థానాలు బీసీలకే కేటాయించబడతాయి. దీని వల్ల మన సమాజంలోని బీసీలకు నాయకత్వ అవకాశాలు పెరుగుతాయి.

ప్రశ్న: ప్రభుత్వం ఈ బిల్లును ప్రవేశపెట్టిన వెనుక అసలు ఉద్దేశ్యం ఏమిటని మీరు భావిస్తున్నారు?