కాంట్రాక్ట్ టీచర్ల క్రమబద్ధీకరణలో వసూళ్ల పర్వం..

• కాంట్రాక్ట్ టీచర్ల సంఘం ఆఫీస్ బేరర్ల ద్వారా వసూళ్లు..!  • టీచర్ల పైసలు తీసుకున్నట్లు జోగినపల్లి శ్రీనివాస్పై ఆరోపణలు..!  • తొలుత ఉద్యోగుల క్రమబద్దీకరణ కాకపోవడంతో మొదలైన లొల్లి

- 

జోగినపల్లి శ్రీనివాస్

• మాజీ మంత్రి హరీశ్ రావు ఏంట్రీతో సద్దుమణిగిన యవ్వారం 

• చివరకు క్రమబద్ధీకరణ చేస్తూ జీవో.. దీంతో అంతా గప్ చుప్

• టీచర్లు ఇచ్చిన పైసలతో ఆస్తులు కొనుకున్న సంఘం ఆఫీస్ బేరర్లు 

హైదరాబాద్ 25 జనవరి (ఆదాబ్ హైదరాబాద్ : తెలంగాణ సాంఘిక సంక్షేమ గురుకుల విద్యాలయాల సొసైటీ కాంట్రాక్ట్ ఉద్యోగుల క్రమబద్ధీకరణ విషయంలో వసూళ్ల వ్యవహారం టీ కప్పులో తుఫానులా సద్దుమణిగినట్లు కనిపిస్తోంది. మొదట వసూళ్ల పర్వంపై రచ్చ మొదలైనప్పటికీ.. రాజకీయ బుజ్జగింపులు.. క్రమబద్ధీకరణ కోసం జీవో విడుదల కావడంతో యవ్వారం అంతా గప్ చుప్ అయిపోయింది. అయితే ఈ వివాదం సంగతి అలా ఉంచితే.. కాంట్రాక్ట్ ఉద్యోగుల నుంచి డబ్బులు దండుకున్న కాంట్రాక్ట టీచర్ల సంఘం ఆఫీస్ బేరర్లు మాత్రం కార్లు, బంగ్లాలు, భూములు కొనుక్కోవడం గమనార్హం.అయితే ఏ అవినీతి జరిగినా.. ప్రభుత్వ పెద్దలకు సంబంధించి ఏదో ఒక అవినీతి తిమింగలం హస్తముంటుందన్నట్లు ఈ యవ్వారంలో కేసీఆర్ కందాన్ దగ్గరి మనిషి అందినకాడికి గట్టిగానే దండుకోవడం విశేషం.