“వేదాలు - భారతీయ జ్ఞానసంపద, ఆధునిక విజ్ఞానం వైపుకి..

“వేదాలు - భారతీయ జ్ఞానసంపద, ఆధునిక విజ్ఞానం వైపుకి..

- - అశోక్ గుంటుక, 9908144099

మనం, మన రోజువారీ జీవితంలో పసుపు, కుంకుమలు వాడటం, వాకిట్లో అలుకు చల్లి ముగ్గులు వేసుకోవడం, పండుగల సందర్భంగా మంత్రాలు జపించడం సాధారణంగా చేస్తూనే ఉ ౦టాము. కానీ ఈ ఆచారాలు సంప్రదాయాల వెనుక దాగి ఉన్న మూలాధారం ఏమిటి అని ప్రశ్నించుకుంటే సమాధానం సరళమైనదే, “వేదాలు” సంబంధిత వ్మాయం. భారతీయ సంస్కృతి యొక్క మూలాలను గుర్తించాలంటే, మొదట వినిపించే శబ్దం వేదాలదే. ఇవి కేవలం మతపరమైన స్తోత్రాలుగా మాత్రమే కాకుండా, తరతరాలుగా భారతీయుల జీవితానికి మార్గదర్శకాలుగా నిలుస్తున్నాయి. ఇప్పుడు కూడా వేదాలు చెప్పిన ఎన్నో మంచి విషయాలు, సమాజం, విద్య, వైద్యశాస్త్రం, పర్యావరణ పరిరక్షణ వంటి రంగాల్లో కనిపిస్తూనే వుంటాయి.

వేదాల చరిత్ర :: చరిత్రకారుల అంచనాల ప్రకారం, వేదాలు కనీసం 3000 సంవత్సరాల క్రితం నుంచే, మౌఖికంగా చెప్పబడి వున్నవి. రుగ్వేదం సుమారు క్రీ.పూ. 1500 ప్రాంతంలో చెప్పబడింది. తదుపరి యజుర్వేదం, సామవేదం, అథర్వణ వేదం వేదవ్మాయం విస్తరించింది. ఈ నాలుగు వేదాలు మాత్రమే కాకుండా, వాటి అంశాలు, సంహితలు, బ్రాహ్మణాలు, అరణ్యకాలు, ఉపనిషత్తులు మొదలగునవి జీవనవిధానానికి విభిన్న కోణాలను అందించాయి. అంతేకాకుండా, ఆయుర్వేదం, ధనుర్వేదం, స్థాపత్యవేదం, గంధర్వవేదం వంటి ఉపవేదాలు మన ఆరోగ్యం, సంగీతం, యుద్ధకళలు, నిర్మాణ శాస్త్రాలను వెలుగులోకి తీసుకొచ్చాయి. వేదాల్లో భౌతిక శాస్త్రం సూత్రాల యొక్క రూపురేఖలు కనిపిస్తాయి. ఇటీవలి పరిశోధనలు, వీటిని ఆధునిక టెక్నాలజీతో సమీకరించి, ఇండియన్ నాలెడ్జ్ సిస్టమ్స్ ను సమ్మిళితం చేస్తున్నాయి.