సూర్యుడు సింహరాశిలో ప్రవేశం

(17.08.2025 నుండి 16.09.2025 వరకు) ద్వాదశ రాశుల వారికి ఫలితములు, పరిహారములు

- డా. ఈడ్పుగంటి పద్మజారాణి

మేషరాశి.... (అశ్విని 1 2 3 4,భరణి 1 2 3 4,కృతిక 1వ పాదం) (నామ నక్షత్రములు: చూ, చే, చొ, లా, లీ, లూ, లే, లో,ఆ) : సూర్యుడు భగవానుడు మీ రాశికి ఐదవ ఇంటి అధిపతి. సింహరాశిలోకి రవి సంచారము కూడా మీ ఐదవ ఇంట్లో జరుగుతోంది. సాధారణంగా, ఐదవ ఇంట్లో సూర్యుని సంచారము అనుకూలమైన ఫలితాలను సాధారణం గా తీసుకురా వటము కష్టము. సూర్యుడు ఐదవ ఇంటిలో ఉంటే అది గందరగోళం లేదా మానసిక అశాంతి లాంటి భావాలను అనుభవించవచ్చు. అయితే, సూర్యుడు తన స్వంత రాశిలో సంచారము చేస్తున్నందున, చాలావరకు తీవ్ర మైన ప్రతికూలతను, ఇబ్బందులను ఎదుర్కొనే అవకాశం తక్కువ. అయినప్పటికీ, రాహువు మరియు కేతువు ప్రభావాన్ని పరిగణనలోకి తీసుకుంటే తగిన జాగ్రత్తలు అవసరం. ముఖ్యంగా సంబంధాల పరంగా, మీ పిల్లలతో సామరస్యాన్ని, మంచి అనురాగాన్ని మెరుగు పరచుకోవడానికి మీరు అదనపు కృషి చేయాల్సి రావచ్చు. విద్యార్థులు ఆశించిన విద్యా ఫలితాలను సాధించడానికి మరింత శ్రమ పడవలసి రావచ్చు. సింహరాశిలో సూర్య భగవానుడు సంచరించే సమయంలో చిన్న ప్రయాణాలు కూడా ఎదురు కావచ్చు. జీర్ణక్రియ సమస్యలు, ముఖ్యంగా ఎసిడిటీ అవకాశం ఉన్నందున, మీ నిత్య జీవితంలో ఆహారపు అలవాట్లను జాగ్రత్తగా గమనించుకోండి. అన్నిటికంటే అతి ముఖ్యంగా మీ భోజన సమయాల్లో టైం మేనేజ్మెంట్ ముఖ్యం. వేళకు ఆహార స్వీకరణ అవసరము.