DD BEVIUS DOUBLE NEXT LEVER

సంతానం ఎప్పుడు కూడా సేఫ్ గేమ్ ఆడుతూనే ఉంటారు.

- 

సంతానం ఎప్పుడు కూడా సేఫ్ గేమ్ ఆడుతూనే ఉంటారు. హారర్, కామెడీ జానర్లో ఆడియెన్స్ను మెప్పిస్తుంటారు. రెగ్యులర్ కమర్షియల్ హీరోగా ప్రయత్నించరు. రా అండ్ రస్టిక్ కారెక్టర్లను వేయరు. తనకు వచ్చిన, తెలిసిన కామెడీనే సంతానం నమ్ముకుంటారు. అందుకే డీడీ ఫ్రాంఛైజీలను అలా కంటిన్యూ చేస్తూనే ఉంటారు. గత నెలలో డీడీ నెక్స్ట్ లెవెల్ అంటూ తమిళ ఆడియెన్స్ను ఓ మోస్తరుగా మెప్పించారు. ఇప్పుడు ఈ మూవీ ఓటీటీలోకి వచ్చింది. మరి ఈ మూవీ తెలుగు ఆడియెన్స్ను ఏ మేరకు నవ్విస్తుందో చూద్దాం.

కథ

హిచ్ కాక్ ఇతియరాజ్ (సెల్వ రాఘవన్) ఫేక్ రివ్యూలు, తప్పుడు రివ్యూలు ఇచ్చి సినిమాల్ని చంపే వ్యక్తుల్ని టార్గెట్ చేస్తుంటాడు. ఆత్మగా మారిన ఆ హిచ్ కాక్ ఇతియరాజ్ అలా రివ్యూయర్లను తన థియేటర్లకు ఆహ్వానించి మరీ చంపేస్తుంటాడు. రివ్యూయర్ల ఫ్యామిలీస్ని కూడా వదిలి పెట్టడు. అలాంటి హిచ్ కాక్ ఓ సారి యూట్యూబ్ రివ్యూయర్ అయిన కిస్సా 47 (సంతానం)కి ఆహ్వానం పంపిస్తారు. అలా ఫ్యామిలీతో వచ్చిన సంతానం థియేటర్ నుంచి బయటకు వెళ్లాడా? హిచ్ కాక్ పెట్టిన పరీక్షలు ఏంటి? థియేటర్లో ప్రదర్శించిన సినిమా ఏంటి? ఆ సినిమా ప్రపంచంలోకి వెళ్లిన కిస్సా అండ్ ఫ్యామిలీకి ఎదురైన పరిస్థితులు ఏంటి? చివరకు కిస్సా తన తెలివితో బయట పడతాడా? లేదా? అన్నదే కథ.