సినిమా రివ్యూ

శ్రీకాకుళం జిల్లాకు చెందిన జాలర్లు పాకిస్తాన్ చేతికి చిక్కడం, అక్కడి నుంచి వాళ్ళను మన దేశానికి తీసుకు రావడం, మధ్యలో కుటుంబ సభ్యుల సంఘర్షణ... వాస్తవంగా జరిగిన కథలో దేశభక్తితో పాటు ప్రేమ, మానవ భావోద్వేగాలు ఉన్నాయి

- 

శ్రీకాకుళం జిల్లాకు చెందిన జాలర్లు పాకిస్తాన్ చేతికి చిక్కడం, అక్కడి నుంచి వాళ్ళను మన దేశానికి తీసుకు రావడం, మధ్యలో కుటుంబ సభ్యుల సంఘర్షణ... వాస్తవంగా జరిగిన కథలో దేశభక్తితో పాటు ప్రేమ, మానవ భావోద్వేగాలు ఉన్నాయి. దీనిని దర్శకుడు చందూ మొండేటి 'తండేల్'గా తెరకెక్కించారు. యువసామ్రాట్ అక్కినేని నాగ చైతన్య, సాయి పల్లవి జంటగా నటించారు. దేవిశ్రీ ప్రసాద్ సంగీతం అందించారు. ఈ సినిమా ఎలా ఉంది?

కథ :

రాజు (నాగచైతన్య)ది శ్రీకాకుళం జిల్లాలోని ఓ ఊరు. ఆ అబ్బాయి, సత్య (సాయి పల్లవి) ప్రేమలో ఉంటారు. తమ ప్రాంతానికి చెందిన కొంత మందితో కలిసి గుజరాత్ వెళ్లి చేపల వేట సాగించడం రాజు వృత్తి. ఏడాదికి తొమ్మిది నెలలు పనిలో ఉంటే... మిగతా మూడు నెలలు ఊరిలో సత్యతో టైమ్ స్పెండ్ చేస్తాడు. తమ ఊరి సమీపంలో చేపల వేటకు వెళ్లిన ఒకరు మరణించడంతో రాజు వచ్చిన తర్వాత వెళ్లవద్దని సత్య కోరుతుంది. అయినా ఆమె మాట కాదని వెళతాడు రాజు. గుజరాత్ సముద్ర జలాల్లో చేపల వేటకు వెళ్లిన 22 మంది శ్రీకాకుళం జాలర్లు తుఫానులో చిక్కుకుంటారు. పాకిస్తాన్ దేశానికి చెందిన ఒక జాలారిని రక్షించే క్రమంలో ఆ దేశ జలాల్లోకి వెళతారు. దాంతో అక్కడ కోస్టు గార్డులు అరెస్ట్ చేసి కరాచీలోని సింధ్ జైలుకు తరలిస్తారు. తర్వాత ఏమైంది? వాళ్ళను మళ్ళీ మన దేశానికి తీసుకు రావడానికి ఎవరెవరు కృషి చేశారు? రావడం వెనుక ఎవరి క్రెడిట్ ఉంది? ఊరిలో మత్సకారుల కష్టాలు తీర్చడం కోసం సత్య ఏం చేసింది? రాజును ఎంతో ప్రేమించిన ఆమె మరొకరితో పెళ్లికి ఎందుకు అంగీకరించింది? చివరకు ఏమైంది? అనేది సినిమా చూసి తెలుసుకోవాలి.

విశ్లేషణ :

శ్రీకాకుళం మత్స్యకారులు ఇండియాకు వచ్చిన విషయం అందరికీ తెలుసు. ప్రేక్షకులకు క్లైమాక్స్ తెలిసినప్పుడు స్క్రీన్ ప్లేతో సర్ప్రైజ్ చేస్తూ