జీవిత పాఠాలు నేర్పే గాలిపటాలు

సూర్య భగవానుని గొప్పదనాన్ని గుర్తుచేసుకునే పండుగే మకరసంక్రాంతి.

- 

ఈ రోజున స్నానం చేసి, సూర్యభగవానుని పూజించి, దానాలు చేస్తారు. మకర సంక్రాంతి పండుగను మన దేశంలో చాలా పేర్లతో పిలుస్తారు. తమిళనాడులో పొంగల్, గుజరాత్లో ఉత్తరాయణం, పంజాబ్లో లోహ్రీ, అస్సాంలో భోగాలి, బెంగాల్లో గంగాసాగర్, ఉత్తరప్రదేశ్లో ఖిర్డీ, తెలుగు రాష్ట్రాల్లో సంక్రాంతి అని పిలుస్తారు. ఇక సంక్రాంతికి గాలిపటాలు ఎగురవేయడం అనేది సంప్రదాయంగా వస్తుంది.పతంగులు ఎగురేయడం వెనక ఉన్న కారణాలు ఏంటి? ఇంద్క్ను సంబంధించిన వివరాలలోకి వెళితే....

రెండు తెలుగు రాష్ట్రాల్లో సంక్రాంతి అంటే.. ఉద్యోగాలు, వ్యాపారాలు, చదువుల కోసం ఎక్కడెక్కడో ఉన్నవారంతా కూడా సొంతూర్లకు చేరుకుంటుంటారు. సంక్రాంతి అంటేనే ఎన్నో సరదాలు తెచ్చిపెడుతుంది. గుమ్మాలు నిండా రంగవల్లులు, వాకిట్లో రంగురంగుల ముగ్గులు, హరిదాసులు, గంగిరెద్దులు, పిండి వంటలు, కోడి పందేలు, గాలి పటాల పోటీలు అన్ని కలిపి సందడి సందడిగా ఉంటుంది. సంక్రాంతి అంటే ఊరూవాడా అంతా పండగలానే ఉంటుంది. ఈ సంక్రాంతికి చిన్నపెద్ద అనే తేడా లేకుండా ప్రతిఒక్కరూ గాలిపటాలు ఎగరేస్తూ ఉంటారు. పెద్దలు కూడా చిన్న పిల్లల మాదిరిగా అయిపోయి పంతంగులను ఎగరేస్తారు. అసలు సంక్రాంతికి గాలి పటాలు ఎందుకు ఎగరేస్తారు? దాని వెనక ఉన్న అసలు కథ ఏంటి అనేది చాలా మందికి తెలియదు.

ఆకాశంలో తేలుతుంది మేఘం కాదు. తోకాడిస్తుంది పిట్టకాదు. పట్టు తప్పితే పారిపోతుంది. ఇంతకీ అదేంటో చెబుతారా? అంటే ఠక్కున గుర్తొచ్చే సమాధానం గాలిపటం. సంక్రాంతి పండుగ వచ్చిందంటే చాలు నెల ముందు నుంచే ఆకాశంలో గాలిపటాలు కనువిందు చేస్తుంటాయి. చిన్న పిల్లల నుంచి పెద్దల వరకు అంతా సరదాగా గాలిపటాలు ఎగరవేస్తూ ఆనందిస్తుంటారు. దేశంలోని వివిధ ప్రాంతాల్లో పోటాపోటీగా గాలిపటాలు ఎగరేస్తూ సందడి చేస్తుంటారు. రకరకాల ఆకారాల్లో పతంగులు నింగిని తాకుతూ అలరిస్తుంటాయి.

రైతులు పండించిన పంట ఇంటికి వచ్చే సమయంలో సంక్రాంతి పండగ జరుగుతుంది. శ్రేయస్సుకు ప్రతీకగా పండుగను చేస్తారు. ఉత్తరాయణ కాలం మకర సంక్రాంతి. ఈ పండుగ చాలా ఉత్సాహంగా నిర్వహిస్తారు. దక్షిణ భారతదేశంలో అత్యంత వైభవంగా జరుపుకొంటారు. పూజలు చేస్తారు. ఎద్దులకు స్నానాలు చేయించి.. కొమ్ములకు నూనె రాస్తారు. వాటిని కూడా దైవంగా భావిస్తారు. ఇంటి