చిదంబర రహస్యం

చిట్టిబాబు, నారాయణరావు అన్నదమ్ములు. ఇరుకుటుంబాల వారు కలిసి కాశీ యాత్రకు వెళ్ళారు. కాశీ విశ్వేశ్వరుని దర్శనం తర్వాత ప్రయాగకు బయలుదేరారు.

- కాశీ విశ్వనాథం పట్రాయుడు 9494524445

చిట్టిబాబు, నారాయణరావు అన్నదమ్ములు. ఇరుకుటుంబాల వారు కలిసి కాశీ యాత్రకు వెళ్ళారు. కాశీ విశ్వేశ్వరుని దర్శనం తర్వాత ప్రయాగకు బయలుదేరారు. ఆ సమయంలో కుంభమేళా జరుగుతోంది. లక్షల సంఖ్యలో జనాలు వచ్చారు. గంగలో పుణ్య స్నానాలు ఆచరించారు.హటాత్తుగా కొన్ని వేల మంది నాగసాధువులు ప్రత్యక్షమయ్యారు. ఎక్కడ నుంచి వచ్చారో తెలియదు. ఎక్కడ చూసినా నాగసాధువులే.

ఒంటి నిండా వీభూది పూసుకుని రుద్రాక్షలు ధరించి, త్రిపుండ్ర ధారులై, దిగంబరంగా సంచరిస్తున్నారు. వారిని చూసి నారాయణరావుకి ఆశ్చర్యం వేసింది. "అన్నయ్యా! వీళ్ళేనా నాగసాధువులు అంటే? ఇన్ని వేల మంది నాగ సాధువులు ఎక్కడ నుంచి వచ్చారు? ఇక్కడ ఉంటారు వీళ్ళు? కుంభమేళా అయిపోయాక ఎక్కడికి వెళ్తారు? వాళ్ళు ఆహార నియమాలు ఏమిటి?" అని ఆశ్చర్యంగా అడిగాడు నారాయణరావు.