వైద్య రంగ ఆణిముత్యం డాక్టర్ రమణ యశస్వి

కళా రత్న డాక్టర్ రమణ యశస్వి గారు ఆర్థోపెడిక్ డాక్టర్ గా,  కవిగా, రచయితగా, సంఘ సేవకుడిగా అన్ని రంగాల్లో రాణిస్తూ బహుముఖ ప్రజ్ఞా అన్న పదానికి సరికొత్త అర్ధాన్ని తెస్తున్నారు.

- 

కళా రత్న డాక్టర్ రమణ యశస్వి గారు ఆర్థోపెడిక్ డాక్టర్ గా,  కవిగా, రచయితగా, సంఘ సేవకుడిగా అన్ని రంగాల్లో రాణిస్తూ బహుముఖ ప్రజ్ఞా అన్న పదానికి సరికొత్త అర్ధాన్ని తెస్తున్నారు. ఈ బహుముఖ | ప్రజ్ఞాశాలి ప్రతిభా పాటవాలు కమనీయం, రమణీయం. మన ఆంధ్రప్రదేశ్ కే తలమానికమైన గ్రేటర్ గుంటూరు పట్టణానికి అతి చేరువలో చిలకలూరిపేట పట్టణంలోని గణపవరం గ్రామంలో లేలేత ఉదయభానుడి కిరణాలను తాకుతూ సంకా రామారావు, తులసమ్మ పుణ్య దంపతుల ఇంట వరాల పుత్రునిగా జన్మించారు. ఈ చదువుల తల్లి ముద్దుబిడ్డ ఇంటర్ వరకు చిలకలూరిపేటలో చదివారు. విశాఖపట్టణం మెడికల్ కాలేజీలో ఎంబిబిఎస్ చదివి అత్యధిక మార్కులతో విజయం సాధించారు. కాకినాడ మెడికల్ కాలేజీలో ఆర్థోపెడిక్ లో పీజీ విజయవంతంగా పూర్తి చేశారు.

వీరి శ్రీమతి పేరులోనే నూతనత్వాన్ని సొంతం చేసుకున్న డాక్టర్ ప్రసన్న యశస్వి గారు ప్రసన్న వదనంతో ఎప్పుడు చిరునవ్వుల దరహాసాలు చిందిస్తూ సంకా వారి ఇంటి కోడలుగా, రమణ యశస్వి గారి సహ ధర్మచారిణిగా అడుగుపెట్టి సంకా వారి ఇంటి పేరు ప్రతిష్టల్ని మరింత ఇనుమడింప చేస్తున్నారు. అలాగే వీరు స్త్రీల వైద్య నిపుణులుగా రోగులకు సేవలను అందిస్తూ గుంటూరు పట్టణంలో ప్రముఖంగా భాశీలుతున్నారు.

కొడుకులు తులసీరామ్, అభిరామ్ ఇద్దరూ కూడా ఆర్థోపెడిక్ లో పీజీ చేసి తండ్రికి తగ్గ తనయులుగా వైద్యరంగంలో ముందుకు దూసుకు వెళుతున్నారు.

కోడలు శ్రావ్య కూడా లేడీ డాక్టర్ గా ఎంతో శ్రావ్యంగా విధులు నిర్వహిస్తూ విజయ పదంలో దూసుకు వెడుతున్నారు.

రమణ యశస్వి గారికి చిన్నతనం నుండి కూడా వినయ శీలత, విధేయత, తోటి వారి పట్ల ప్రేమ, ఆప్యాయత, అనురాగం, మమకారం, మెండుగా ఉ ండేవి. వీటన్నింటినీ వీరు ఉగ్గుపాలతో అవపోసన పట్టారనే చెప్పాలి.