‘జర్నలిస్టు’లపై ముఖ్యమంత్రి 'రేవంత్ రెడ్డి' కన్నెర్రు

సంపాదకీయం

- వి. శంకరశర్మ, ఎడిటర్

జర్నలిస్టుల పక్షపాతిగా పేరుపొందిన, విలేఖరులతో స్నేహంగా ఉండే తెలంగాణ రాష్ట్ర ముఖ్యమంత్రి రేవంత్ రెడ్డి 'జర్నలిస్టులపై కన్నెర్ర చేయడం, ఆగహ్రం వ్యక్తం చేయడం పలువురిని ఆశ్చర్యానికి గురిచేసింది. తెలుగుదేశం పార్టీ శాసన సభ్యుడిగా, మల్కాజ్ గిరి నియోజకవర్గం పార్లమెంటు సభ్యుడిగా వ్యవహరించేవారు. తెలంగాణా ప్రదేశ్ కాంగ్రెస్ కమిటి (పి.సి.సి.) అధ్యక్షుడిగా, తెలంగాణ రాష్ట్ర ముఖ్యమంత్రిగా స్నేహపూర్వక వాతావరణంలో విలేఖరుల సమావేశం మంచిగా నిర్వహించేవారు. విలేఖరులతో ఇష్టాగోష్ఠిగా చిట్చాట్ చేసి ఎన్నో ఆసక్తికర విషయాలు తెలిపేవారు. అలాంటి ముఖ్యమంత్రి రేవంత్ రెడ్డికి విలేఖరులపై ఆగ్రహం రావడం పట్ల పలువురు నిజమైన విలేఖరులు ఆందోళన వ్యక్తం చేస్తున్నారు.