૩૦૦ વર્ષથી અડીખમ છે મુંબઈનો આ કૂવો

વાહ, આ કૂવો ઊજવે છે એના જન્મની ત્રિશતાબ્દી.

- 

વર્ષ ૧૮૯૬માં મુંબઈના પ્લગ રોગચાળા વખતે શહેરના મોટા ભાગના કૂવાને બંધ કરી દેવાયા ત્યારે સર્જાયેલી જળ અછતને એક કૂવાએ મહિનાઓ સુધી દૂર કરી હતી. એ કૂવાનું પાણી લોકોને વિનામૂલ્યે આપવામાં આવતું. દરરોજ હજારો લિટર પાણી ખેંચાયું, છતાં આ કૂવો ભરેલો જ રહ્યો.

આ બારમાસી કૂવો તળ મુંબઈમાં ચર્ચગેટ રેલવેસ્ટેશનથી હુતાત્મા ચોક (ફ્લોરા ફાઉન્ટન) તરફ જવાના માર્ગમાં ડાબી તરફ આવે છે અને એ ઓળખાય છે ભીખા બહેરામનો કૂવો તરીકે. આ ૨૧ માર્ચે આ કૂવાને ૩૦૦ વર્ષ પૂરાં થઈ રહ્યાં છે. હા, ૩૦૦ વર્ષ!