મફત, દૂરંદેશી અને મતદાન

સાચા સિક્કા રાહ જુએ છે ખોટા સિક્કા ખોઈ નાખો.

- હિતેન આનંદપરા

નરમગરમ શીરાની જેમ ચૂંટણીનો ગરમ-બેશરમ માહોલ જામી ચૂક્યો છે. ચૂંટણીપંચ દ્વારા ૪૬૫૦ કરોડની માલમત્તા પકડાઈ છે અને એમાં હજી વધારો થશે. પ્રચારસભાઓમાં બેફામ વચનોની બેઈન્તિહા લહાણી થઈ રહી છે. જો સામાન્ય ગૃહિણીને પણ ખબર હોય કે કેટલી આવક છે ને કેટલામાં મારે ઘર ચલાવવાનું છે તો અર્થશાસ્ત્રીની ફોજ સાથે બેઠેલા પક્ષોને ખબર ન હોય એવું ન બને. આખી વાત મફત આપીને સિફતથી સત્તા મેળવવાની છે. મફત એક એવી ઊધઈ છે જેના પર કાબૂ ન આવે તો અર્થતંત્રનું ભૂસું કરી નાખે.